II 1 81: 16: o0201081.016b

DOCUMENT:

o0201081.016b

view image

I. Transcription of text and essential data

DATE:

1422 settembre 10

SUMMARY:

End of rental of the quarry of Monte Oliveto sublet to quarrier.

SOURCE:

AOSMF

II 1 81

c. 16

resolutions

TITLE:

Finis facta per fratres Montis Oliveti

TEXT:

Item dictis anno et indictione et die decimo dicti mensis settembris. Certum esse dicitur quod die XVIII mensis agusti anno MCCCC sextodecimo frater Iohannes de Settimo ordinis Montis Oliveti locavit vice et nomine dicti ordinis ad affictum Laurentio Tomasii de Baronciis et Nerio Gini de Capponibus tunc operariis dicte Opere pro ipsa Opera recipientibus unam cavam lapidum in podio Montis Oliveti dictorum fratrum pro quinque annis firmis et tribus ad libitum et voluntatem operariorum Opere prelibate pro affictu florenorum quattuordecim auri quolibet anno, et quod postea die XXVI dicti mensis locaverunt dictam cavam Bartholomeo Bartolini Cagnani populi Sancte Marie de Verzaria pro eodem pretio et tempore, ut patere dicitur in libro dicte Opere signato di ricordanze et diliberazioni carta 76, unde hac suprascripta die frater Bartholomeus Feducci de Monte Politiano ordinis predicti ac etiam sindicus et procurator dicti monasterii et capituli, ut patere dixit manu ser Tendis Bandini notarii Florentie sub die XVII mensis martii anni MCCCC noni, asserens(1) eidem monasterio et capitulo a dicta Opera de affictu predicto fuisse et esse integre satisfactum usque in diem XX presentis mensis et tam ab ipsa Opera quam a dicto Bartolo sindicorio et procuratorio nomine predicto fecit finem, quietationem, liberationem et pactum perpetuum de ulterius aliquid non petendo mihi Dino notario infrascripto(2) stipulanti et recipienti vice et nomine dicte Opere et Communis Florentie et dicti Bartoli de omni et toto eo ad quod dictum Commune, Opere(3) et Bartolus dictis fratribus, conventui et capitulo tenebatur occasione affictus dicte cave et dependentium ab eadem; hoc ideo fecit dictus sindicus dicto nomine quia fuit confessus dicto monasterio et fratribus ut supra asseritur ab ipsa Opera et Bartolo integre solutum et satisfactum; promictens dictus sindicus et procurator dicto nomine(4) mihi notario ut supra stipulanti predictam finem et omnia predicta perpetuo firma habere etc. et contra non facere etc. sub pena florenorum centum etc. obligans dictos fratres et capitulum etc. renumptians etc. per guarentigiam etc.

Acta fuerunt predicta omnia in Opera supradicta, presentibus Piero Iohannis de Meleto populi Sancti Simonis, Bartholomeo ser Niccolai ser Verdiani cive florentino et Guidone Dree de Monte Topoli(5) comitatus Florentie testibus etc.; protestatione premissa per dictum sindicum quod per predicta non intendit se obligare etc., sed solum dictum capitulum etc.

NOTES:

¹ Segue depennato "si".

² Si tratta del notaio dell'Opera, ser Dino di Cola.

³ Così nel testo.

⁴ Segue piccola depennatura.

⁵ Segue depennato "predicto".

BIBLIOGRAPHY:

Saalman 1980, n. 172-3, riassunto.

Transcription:

II. Analysis of document

Indices

NAMES AND ROLES: