II 1 81: 31v: o0201081.031va

DOCUMENT:

o0201081.031va

view image

I. Transcription of text and essential data

DATE:

1422 dicembre 2

SUMMARY:

Renunciation of appointment of administrator for personal reasons.

SOURCE:

AOSMF

II 1 81

c. 31v

resolutions

TITLE:

Simonis de Filicaria renumptiatio officii

TEXT:

Dicto die secundo mensis decembris MCCCCXX secundo indictione prima. Constitutus in presentia nobilum virorum operariorum Opere prelibate ut supra in loco eorum audientie more solito et in numero sufficienti congregatorum vir prudens Simon olim Francisci de Filicaria civis florentinus provisor Opere prelibate, asserens quampluribus suis negotiis occupatus et prout asseruit iustis et rationabilibus causis impeditus in tantum quod absque magno ipsius incomodo et iactura dicto provisoratus officio et exercitio intendere non posset ut appeteret et conveniens esset, cum omni debita reverentia ipsi officio et exercitio(1) renumptiavit pro a die undecimo presentis mensis in antea ipsosque operarios rogavit quod de alio loco sui provisore pro a dicto die XI in antea faciat provideri, quibus omnibus ipsi operarii consenserunt ipsamque renumptiationem ex causis predictis eius assertioni fidem prestantes acceptaverunt(2) rogans ipse Simon me notarium infrascriptum(3) quod de renumptiatione predicta publicum conficiam instrumentum. Acta fuerunt predicta in loco supradicto presentibus Carolo Iohannis fornarii populi Sancte Lucie Omnium Sanctorum de Florentia et Dominico Segne Alderotti vocato Fermalpunto nuntio dicte Opere testibus ad predicta habitis et vocatis.

NOTES:

¹ "et exercitio" aggiunto in margine con richiamo nel testo.

² Segue depennato "presentibus".

³ "Dinum Cole".

Transcription:

II. Analysis of document

Indices

NAMES AND ROLES:

operai

Simone di Francesco da

Filicaia -

provveditore
-