II 1 82: 6: o0201082.006a

DOCUMENT:

o0201082.006a

view image

I. Transcription of text and essential data

DATE:

1422/3 marzo 9

SUMMARY:

Release of arrested person who is not the holder of the properties for which he was enjoined to pay.

SOURCE:

AOSMF

II 1 82

c. 6

resolutions

TITLE:

Liberatio Buoni Cionis de Rufina

TEXT:

Antedicti operarii, absentibus ut supra,(1) advertentes(2) ad quamdam capturam factam in curia executoris die XVIII mensis februarii proxime preteriti de Buono Cionis de Rufina tanquam possessore bonorum Staxii Dini de Vallis Sevis per Guelfum nostrum exactorem, et visis(3) certis instrumentis productis per dictum Buonum coram dictis officialibus et maxime certum instrumentum per quod patet in effectu qualiter Donatus filius olim dicti Staxii cepit bona dicti olim Staxii pro dote matris sue, ut patet manu ser Guasparis ser Francisci Masini notarii florentini sub die XVII settenbris 1378.
Item alium instrumentum continentem in efectu qualiter Donatus suprascriptus fecit procuratorem Tendinum Bonaiuti populi Sancti Ambroxii de Florentia ad donandum Dominicho Lippi Puccini dicta bona, ut patet manu ser Iohannis(4) Chanacci sub die V februarii 1418.
Item alium instrumentum donationis fattum per Tendinum procuratorem suprascriptum Dominicho Lippi predicto de dictis bonis supra pro dotis captis per dictum Donatum, ut patet manu ser Iohannis Dini Peri sub die 23 mensis settenbris 1420, et plura alia instrumenta produxerunt continentia multum circa predicta.
Et viso qualiter Buonus predictus etiam de dicto mense februarii proxime preteriti fuit captus ad petitionem regulatorum pro prestantiis dicti Staxii Dini, et qualiter die XXII dicti mensis februarii proxime preteriti fuit de dicta captura liberatus et absolutus per regulatores suprascriptos, ut patet manu ser Beneditti ser Laurentii Francisci notarii dictorum regulatorum, rationibus et causis in dicta deliberatione contentis, omni modo, via et forma quibus magis et melius potuerunt, deliberaverunt quod dictus Buonus relaxetur et a dicta captura liberetur et amplius non gravetur de cetero, quia clare patet quod ipse non tenet nec possidet bona olim dicti Staxii Dini; et quod fiat bullectinum executori qualiter ipsum Buonum liberet et relaxet et in pristinum statum ipsum reponat, mandantes presentia ab omnibus inviolabiter observari.