II 1 82: 15: o0201082.015b

DOCUMENT:

o0201082.015b

view image

I. Transcription of text and essential data

DATE:

1423 aprile 28

SUMMARY:

Authorization to correct and reduce contract for broad bricks.

SOURCE:

AOSMF

II 1 82

c. 15-15v

resolutions
dei consoli e degli operai

TEXT:

Simili modo et forma antedicti consules una simul cum operariis antedictis ut supra(1) congregati servatis servandis advertentes ad certam locationem ut dicitur olim factam de Antonio Iohannis, Antonio Francisci, Iuliano Pacis et Romulo Dominici socii et fornaciari(2) alla Lastra die XXVI aprilis MCCCCXXI de 150^M quadronum terre positis in Opera omnibus eorum sumptibus et expensis et recipientibus et acceptabilibus ad sensum provisoris et capudmagistri dicte Opere et pro pretio librarum XVIIII et soldorum X f.p. pro migliario sine retentione aliqua et ad certam mensuram longitudinis, altitudinis et aliorum, ut de predictis et multis aliis patet in conducta predicta manu ser Dini Cole notarii tunc dicte Opere; postea vero die VII augusti 1422 consules simul cum operariis audientes qualiter conductores suprascripti minuerunt mensuram dictorum quadronum et ipsos non(3) componebant prout debebant et quod erant minoris mensure et qualitatis prout debebant circa quartam partem; et viso qualiter in predictis dicta Opera erat defraudata, omni modo, via et iure quo et quibus magis et melius potuerunt dictam summam dictorum denariorum, videlicet librarum 19 et soldorum 10 f.p. pro quolibet miliario eis debendam prout in locatione patet, minuerunt quartam partem et ipsam reduxerunt ad summam et quantitatem librarum 14 soldorum 12 denariorum 6 f.p., prout(4) //hec et alia plura circa predicta clare patent manu ser Dini Cole tunc notarii Opere et circa predicta patent multa manu mey Pieri notarii Opere sub die presenti et in reductione precedenti, videlicet Pardi de Vulterris et Gherardi Channeri predicti fornaciari in fornace Septimi,(5) unde consules antedicti simul congregati ut supra visa et examinata locatione suprascripta ac etiam visis(6) diminutionem et correctionem(7) per eos factam de locatione dicti Gherardi et Pardi fornaciariorum de Septimo rationibus et causis in dicta reductione et correctione narratis ut patet manu mey Pieri notarii infrascripti sub presenti die; et viso qualiter dicti Pardus et Gherardus et quilibet ipsorum benigne ratificaverunt et omnibus visis et consideratis omni modo, via et forma quo et quibus magis et melius potuerunt, licentiam et auctoritatem concesserunt atque plenissimam baliam dederunt(8) dictis operariis et tam presentibus quam futuris dictam locationem minuere, corrigere et emendare illis modis, tenoribus et forma et cum illis pactis et conditionibus prout dictis operariis et duas partes ipsorum videbitur convenire, hoc addito et expresse apposito quod ullo modo possint excedere summam et quantitatem librarum decem et otto f.p. pro quolibet miliario dictorum quadronum, prout et sicut minuita et corretta fuit conducta predictorum Pardi et Gherardi fornaciariorum de Septimo ut supra patet; et quidquid contra predicta factum fuerit sit ipso iure irritum et inane et nullius effectus efficaciter vel valoris.

NOTES:

¹ "Michael Iohannis Riccialbani, Bianchus Silvestri magistri Benvenuti, Filippus Otto (così nel testo) Sapiti, Bertoldus Antonii domini Rainaldi Gianf(igliazzi), Tommasus Bartoli ser Tini, Bernardus Filippi Giugni consules Artis Lane, absentibus Luca Manetti de Filicaria et Lorino Bartolomey Lorini eorum collegis, et Filippus domini Blaxii Guasconi, Silvester Lodovici Ceffini, Verius Veri Guadagni, Iohannes Tommaxii Corbinelli et Paulus Giannozzi Vettori operarii Opere Sancte Marie del Fiore civitatis Florentie, absente Nicholao del Palagio eorum collega".

² "socii et fornaciari" così nel testo.

³ Segue depennato "faciebant".

⁴ Ripetuto nel testo a inizio di carta successiva.

⁵ "predicti fornaciari" così nel testo.

⁶ Segue depennato "per".

⁷ "diminutionem et correctionem" così nel testo.

⁸ Parola corretta.

LINKS:

Si fa riferimento alla condotta ad Antonio di Francesco e compagni fornaciai del 30 aprile 1421:

O0201078.062c; e alla riduzione del prezzo del lavoro non conforme del 7 agosto 1422: