II 2 1: 10v: o0202001.010vd

DOCUMENT:

o0202001.010vd

view image

I. Transcription of text and essential data

DATE:

1425 settembre 26

SUMMARY:

Term assigned to the adversary in a dispute for the presentation of his rights and authority to the notary of the Opera for the election of a lawyer.

SOURCE:

AOSMF

II 2 1

c. 10v

resolutions

TITLE:

Deliberatio facta in causa vertenti inter Ciolum Benedicti civem pisanum ex parte una et Operam ex parte alia

TEXT:

Item simili modo et forma prefati operarii audita quadam lite, causa et questione mota per prefatam Operam domine Filippe filie quondam Cini Bandini civis(1) pisani et uxori Cioli de Benedictis civis pisani de quodam petio terre posito in Communi Cesani loco dicto le Campora infra sua vocabula et confinia(2) quod hodie tenetur, possidetur et usufructatur per dictam dominam Filippam et Ciolum eius procuratorem vigore quarumdam sententiarum latarum,(3) una(4) videlicet per Potestatem Communis Vici Pisani et altera(5) per Potestatem civitatis Pisarum, super quo quidem petio terre dicitur per prefatam Operam pretendere ius vigore cuiusdam donationis facte de anno presenti et mense ...(6) per quamdam dominam Iohannam uxorem quondam cuiusdam ser Uliverii de Vico civis pisani et hodie uxorem cuiusdam domini Francisci de Pisis de iuribus suarum dotium, usque in quantitatem florenorum auri centum, et vigore cuiusdam alterius donationis facte per quamdam dominam Nellam de Pisis dicto ser Uliverio, et vigore quorumdam dictorum testium examinatorum in dicta lite per curiam vicarii Vici Pisani. Et visis dictis et actestationibus dictorum testium tam per unam partem quam per aliam examinatorum in lite et per dictam curiam, et visis allegationibus factis per dictum Ciolum procuratorem predictum et per Nannem Pieri Iovannucholi dicentem pro dicta Opera et informatione habita a ser Bartolomeo notario dicte Opere; et visa quod per dictum Ciolum et Nannem petitum fuit dicta iura micti ad consilium sapientis expensis partis perdentis, volentes unicuique ius suum tribuere, servatis solempnitatibus opportunis deliberaverunt quod omnia et singula iura que per dictas partes fuerunt producta coram dictis operariis usque in presentem diem et que producentur infra secundum diem proxime futurum coram eis quibus assignaverunt prefatum terminum ad omnia eorum iura producendum coram dictis operariis mictantur per eorum notarium ad consilium sapientis, videlicet ad illum advocatum ad quem dicto notario videbitur et qui eligetur per notarium prefatum, dando in predicta electione dicto eorum notario plenam baliam quam habet prefatum offitium, et quod Ciolus procurator predictus teneatur pro eius parte depositare unum florenum pro consultore,(7) et quod predictis observatis dictus notarius teneatur consilium sic per consultorem eligendum(8) portare et consignare coram prefatis operariis.

NOTES:

¹ Corretto su "civi".

² Segue depennato "super quo".

³ Segue depennato "videlicet".

⁴ Parola corretta su "unius" con segno d'abbreviazione depennato.

⁵ Corretto su "alterius".

⁶ Bianco nel testo per lo spazio di una parola.

⁷ Parola portata nel margine destro.

⁸ Segue depennato "rec-".

Transcription:

II. Analysis of document

Indices