II 2 1: 37: o0202001.037g

DOCUMENT:

o0202001.037g

view image

I. Transcription of text and essential data

DATE:

1426 luglio 24

SUMMARY:

Partition of work because of litigation between masters at the castle of Malmantile.

SOURCE:

AOSMF

II 2 1

c. 37-37v

resolutions

TITLE:

Divisio Ambroxii Leonardi et Pieri Curradini laborerii castri Malmantilis

TEXT:

Item prefati operarii simili modo et forma advertentes ad quamdam litem et differentiam existentem inter Ambroxeum Leonardi de Florentia ex parte una et Pierum Curradini vocato(1) Maestraccio ex parte alia occaxione laborerii muramenti murorum portarum et antiportorum castri Malmantilis Communis Ghanghalandi per eos conducti primo(2) a Sex Aretii et Pistorii secundo a Decem civitatis Pisarum tertio a prefatis operariis prelibate Opere; et(3) advertentes ad quamdam divisionem factam de dicto laborerio de consensu, licentia et voluntate dictorum Ambroxei et Pieri Curradini alias Maestraccio //per Niccolaum Andree de Bonbenis provisorem muramenti Lastre et Malmantilis, et mensuram per eumdem Niccolaum factam de muramento dicti castri Malmantilis per dictos Ambroxeum et Pierum alias Maestraccio usque in presentem diem, prout apparere dixit dictus Niccolaus provisor per quamdam scriptam factam manu propria ipsius Niccolai de consensu partium predictarum, et reperto per dictam mensuram dictum Ambroxeum muravisse et edificasse dicto edifitio murorum, portarum et antiportorum dicti castri Malmantilis pro eius parte in totum blachia(4) in totum mille quingenta quactuordecim et(5) 13/16 alterius blachii, et dictum Pierum pro eius parte edificasse et muravisse blachia mille octingenta viginti quinque, que quidem muramenta fuerunt per dictos Ambroxeum et Pierum facta usque in presentem diem inter eos communia; et reperto quod inter ambos prefati Ambroxeus et Pierus a prefata Opera habuerunt occaxione dicti muramenti ad rationem soldorum decem f.p. pro quolibet blachio quadro in totum libras mille sexcentas unam soldos tredecim denarios quattuor f.p.; et viso calculo rationis dicti laborerii facti usque in presentem diem, per quem apparet et constat dictum laborerium adscendere tamen ad summam librarum mille sexcentarum septuaginta soldorum duodecim denariorum septem f.p., prout Bernardus Amerigi provisor dicte Opere sic asseruit; et visa quod occaxione dicti saldi et calculi dicti Ambroxeus et Pierus de dicto laborerio usque in dictam diem sunt creditores dicte Opere librarum sexaginta otto soldorum decem novem denariorum trium f.p.; visa quod prefati Ambroxeus et Pierus cotidie rixantur ad invicem et in comunione stare non posse,(6) volentes igitur dictas lites partium predictarum sedare et eis silentium perpetuum ponere, dato, misso, facto et celebrato inter eos solempni et secreto scruptineo ad fabas nigras et albas et obtento partito, diviserunt inter dictas partes dictum laborerium hoc modo, videlicet:(7)
In primis assignaverunt atque attribuerunt pro eius parte Ambroxeo Leonardi unam turrem de(8) medio(9) versus Nuovoli circumdando prout girat predictum castrum versus Pisas usque ad confinem turris de medio versus castrum(10) Sancti Cassiani, videlicet totum muramentum murorum in hac parte, in qua parte muramenti est porta versus Pisas cum tribus turribus.
Item assignaverunt pro eius parte Piero Curradini predicto turrem versus castrum Sancti Cassiani et totum murum et turres girant castrum usque ad turrem de medio a parte versus civitatem Florentie in qua parte est porta versus Florentiam cum tribus turribus usque ad confinem turris Nuovoli.
Quam quidem divisionem fecerunt cum infrascriptis pactis, videlicet: quod omnia stantiamenta que in futurum fient per operarios prefate Opere infrascriptis magistris debeant fieri solum et dumtaxat sub nomine Ambroxei Leonardi et per ipsum Ambroxeum debeant fieri solutiones dicto Piero Curradini alias Maestraccio, quas quidem solutiones dictus Ambroxeus dicto Piero facere teneatur et obligatus sit quando camerarius dicte Opere dabit et solvet eidem Ambroxeo, videlicet ratam tangentem sibi de pecunia percipienda a dicta Opera et pro parte laborerii quod faciet et reperietur tunc temporis fecisse et non aliter; et hec omnia fecerunt non revocando fideiussores prestitos per dictum Ambroxeum sed ipsos omnes confirmando, et cum hoc quod ambe partes debeant dictam divisionem ratificare et confirmare, alias ipso iure sit nulla.
Et predicta omnia et singula suprascripta fuerunt facta per prefatos operarios presente dicto Ambroxeo Leonardi et petente predicta fieri et ea omnia confirmante, approbante et emologante et presentibus Bernardo Amerigi de Donatis provisore dicte Opere et(11) Orlanduccio ...(12) nuntio dicte Opere testibus.

NOTES:

¹ Così nel testo.

² Segue depennato "a dec-".

³ Segue depennato "audita quadam petitione unaminiter et concorditer divisionis f-"; "unaminiter": così nel testo per "unanimiter".

⁴ Così nel testo per "brachia", similmente in seguito.

⁵ Segue depennato "utrum".

⁶ "visa quod prefati...posse" aggiunto nel margine con richiamo nel testo, con all'inizio "E veduto i detti Ambr-" depennato.

⁷ Segue depennato sulla stessa riga "i-".

⁸ Aggiunto nell'interlinea con richiamo nel testo.

⁹ Corretto su "medii".

¹⁰ Segue depennato "ca-".

¹¹ Segue depennato "dicto".

¹² Spazio bianco per il patronimico.

LINKS:

L'allogagione citata, di 16 settembre 1424, non è più reperibile (cfr. Tampone 1980, p. 70) se non in copia nell'atto in cui viene confermata, il 21 maggio 1425, nel bastardello di deliberazioni:

O0201086.017vc.

Transcription:

II. Analysis of document

Indices

NAMES AND ROLES:

Ambrogio di Leonardo da

Firenze -

maestro

Piero di Corradino

Maestraccio -

maestro
-

Sei d'Arezzo e Pistoia
-