II 2 1: 86v: o0202001.086vi

DOCUMENT:

o0202001.086vi

view image

Referenced in:

Haines-Battista, Altra storia

I. Transcription of text and essential data

DATE:

1428 luglio 5

SUMMARY:

Agreements for the resolution of a lumber supply interrupted because of the war with partition between the suppliers and the Opera of the damages suffered because of the abandonment of cut lumber

SOURCE:

AOSMF

II 2 1

c. 86v-87

resolutions

TITLE:

Pro Iacobo Sandri et Francischo Comuccii

TEXT:

Item prefati operarii considerantes Iacobum Sandri et Francischum Comuccii conductores lignaminis silve Opere incisisse in silva Opere certam quantitatem lignaminis(1) pluribus annis et ipsam(2) dimisisse devastari in dicta silva, allegantes proiessisse propter guerras in non modicum dampnum et preiudicium dicte Opere, ac etiam considerantes dictos conductores restare ad conducendum de eorum conducta ducentos quindecim traynos //lignaminis ad dictam Operam et quod ipsi ob guerras conducere non valuerunt dictum lignamen prout tenebantur et obligati erant, volentes igitur in parte dampnis Opere prefate(3) providere ac etiam laboribus predictorum conductorum ob prefatas guerras passis in parte compati, idcirco prefati operarii deliberaverunt quod prefati conductores de lignamine inciso in silva prefate Opere a tempore quo eorum conducta incepit citra, videlicet usque ad annum MCCCCXXVII et per totum dictum annum, devastato et maculato seu fradicio et corrupto, prefata Opera de lignamine dampnum patiatur, et prefati conductores de incisura dampnum patiantur et non Opera; item quod dicti conductores(4) pro residuo lignaminis quod conducere tenentur secundum eorum conductam teneantur et obligati sint infra duos annos proxime futuros conducere seu conduci facere ad dictam Operam traynos ducentos quindecim pro pretio soldorum quinquaginta novem et denariorum sex pro quolibet trayno ad mensuras et in locis(5) in prefata eorum locatione contentas, descrictas et adnotatas, non incidendo in locis ubi fuit et est questio de silva Campigne;(6) item teneantur et obligati sint prefati conductores de toto lignamine per ipsos conductores seu ad eorum petitionem inciso(7) in plano Campigne contra formam locationis prefate de quo fuit questio dare licentiam provisori dicte Opere quod ad eorum computum prefatus provisor ponere debeat sexaginta quattuor traynos lignaminis ad rationem soldorum quadraginta sex pro quolibet trayno;(8) et(9) ab omnibus aliis et singulis que prefati conductores dicte Opere tenerentur et obligati essent vigore dicte locationis prefati operarii dictos conductores(10) liberaverunt et absolverunt et finem, quietationem, liberationem, absolutionem et pactum perpetuum de ulterius non petendo fecerunt et maxime occaxione totius(11) lignaminis per eos incisi ultra predictum lignamen et ab omnibus aliis per eos omissis contra dictam Operam eis silentium perpetuum imposuerunt; et hec fecerunt prefati operarii non disobligando fideiussores dictorum conductorum alias obligatorum in dicta prima eorum locatione; et hec presentibus dictis conductoribus et licentiam dicto provisori dantibus(12) et predicta omnia et singula suprascripta ratificantibus, approbantibus et emologantibus in presentia Bernardi Amerigi de Donatis et Filippotio Giovenchi de Bastariis et Nanne Franchi nuntio prefate Opere testibus ad hec vocatis, habitis et rogatis.

NOTES:

¹ Segue depennato parola di lettura incerta, forse "et t-".

² Corretto su "ipsum"; segue depennato "dimiserunt", la correzione aggiunta nel margine.

³ Segue depennato "comp-".

⁴ Segue depennato "teneantur".

⁵ "et in locis" aggiunto nell'interlinea con richiamo nel testo.

⁶ "non incidendo ... Campigne" aggiunto nel margine con richiamo nel testo, a sostituzione di "et in locis in dicta loca-" depennato su due righe.

⁷ Corretto su "incisos".

⁸ Segue depennato "et hec f-".

⁹ Segue depennato "quod".

¹⁰ "dictos conductores": parole scritte su macchia d'inchiostro.

¹¹ Aggiunto nell'interlinea con richiamo nel testo.