II 2 1: 116: o0202001.116c

DOCUMENT:

o0202001.116c

view image

I. Transcription of text and essential data

DATE:

1429 novembre 4

SUMMARY:

Authorization to pay master for work done at Malmantile, granting him the completion of the work.

SOURCE:

AOSMF

II 2 1

c. 116

resolutions

TITLE:

Pro facto Ambroxei Leonardi magistri murandi et qui muravit in edifitio(1) castri Malmantilis

TEXT:

Prefati operarii, servatis servandis, actendentes ad quamdam(2) locationem factam per eorum offitium Ambroxeo Leonardi et Piero Curradini alias Maestraccio ad complendum castrum(3) Malmantilis, cum illis pactis in dicta locatione contentis et considerantes certa rapporta facta per quosdam magistros lapidum vigore commissionis eis facte per dictum offitium ex una parte(4) et dictum Ambroxeum ex altera(5) et deliberationem per eorum offitium factam de voluntate et consensu dicti Ambroxei; et considerantes quedam dubia de novo orta super dicto rapportu per ministros dicte Opere pro quibusdam de novo emergentibus et audita petitione facta per Ambroxeum prefatum per quam de gratia spetiali petiit prefatus Ambroxeus dicto offitio placeat(6) solvi eidem Ambroxeo facere de(7) toto laborerio per eum facto usque in presentem diem secundum pacta locationis prefate, remanentibus(8) omnibus et singulis aliis de novo fiendis per eum secundum pacta dicte locationis et prout et sicut continetur in prefata locatione, ac etiam remanentibus firmis fideiussionibus alias prestitis per eumdem Ambroxeum super dicto laborerio; et examinata prefata petitione facta per dictum Ambroxeum dicto eorum offitio et viso quod dicto eorum offitio videtur dictum Ambroxeum equum et iustum petiisse, et contra(9) opponi de iure non posse nec etiam de honestate dicti offitii, volentes igitur eidem ius et iustitiam ministrare stantiaverunt eidem Ambroxeo pro residuo solutionis totius laborerii per eum facti usque in presentem diem de dicto castro Malmantilis libras ducentas vigintiquinque f.p. cum infrascriptis pactis, modis et condictionibus, videlicet:

Quod quandocumque prefati operarii vellent vigore concessionis et auctoritatis dicto eorum offitio attribute compleri facere dictum castrum et eidem dari(10) facere complementum, teneantur et debeant dare ad complendum dictum castrum prefato Ambroxeo secundum pacta prefate locationis et prefatus Ambroxeus teneatur et obligatus sit(11) complere et dare complementum dicto castro secundum pacta prefate locationis,(12) capsantes ex nunc omnem deliberationem hactenus factam per eorum offitium tam(13) in favorem dicti Ambroxei quam contra dictum Ambroxeum et dictum eorum offitium et omnem rapportum et scripturam factam inter dictum offitium ex una parte et dictum Ambroxeum ex altera; et confirmantes, ratificantes et approbantes prefatam locationem factam(14) per dictum eorum offitium prefato Ambroxeo ac etiam fideiussiones prestitas per dictum Ambroxeum dicto eorum offitio, ac etiam deliberaverunt quod(15) si eorum offitium non daret complementum dicto laborerio dictus Ambroxeus pro eius dampno et restauratione a dicto eorum offitio nichil petere possit quovis modo, ac etiam deliberaverunt quod si ullo umquam tempore Pierus Curradini vocato Maestraccio aliquid peteret Opere occaxione stantiamentorum factorum dicto Ambroxeo pro dicto laborerio, de quibus per dictum Pierum allegaretur pro eius parte aliquid debere habere, quod tunc et eo casu dictus Ambroxeus teneatur et obligatus sit prefatam Operam de predictis seu occaxione predictorum indempnem et penitus sine dampno conservare, excepto quam de iniuria eidem Piero illata per offitium aliquid peteret Opere(16) prefatus Pierus; et hec presente(17) dicto Ambroxeo et predicta omnia suprascripta confirmante, ratificante, approbante et emologante ac etiam fieri petente et presentibus testibus ad predicta omnia et singula suprascripta vocatis, habitis et rogatis Batista Antonii caputmagistro prefate Opere et Bernardo Amerigi de Donatis provisore dicte Opere.

NOTES:

¹ Iniziale corretta.

² Desinenza aggiunta nell'interlinea con richiamo nel testo.

³ Segue depennato su nuova riga "castri".

⁴ Da "ex" portato nel margine.

⁵ "ex altera" aggiunto nell'interlinea con richiamo nel testo.

⁶ Corretto su "placere"; segue depennato su riga nuova "dicto offitio".

⁷ Segue depennato "eo quo".

⁸ Segue depennato "aliis".

⁹ Segue depennato "eam".

¹⁰ Corretto su "dare".

¹¹ Aggiunto nell'interlinea con richiamo nel testo.