DOCUMENT: o0202001.232f view image     Referenced in: Becattini, Selva I. Transcription of text and essential data DATE: 1435 aprile 29 SUMMARY: Acquittal from the accusation made to raftsmen about damages caused to a weir by the passage of lumber. SOURCE: AOSMF II 2 1 c. 232-232v f resolutions TITLE: Contra Niccolaum de Giraldis TEXT:     Nobiles ac prudentes viri     Paulus Iannotii de Vettoriis     Iohannes Pauli de Morellis     Simon Francisci de Filicaria     Chimentus Cipriani ser Nigi et     Iuntinus Guidonis Iuntini operarii prefate Opere existentes collegialiter congregati in loco eorum residentie pro factis dicte Opere utiliter peragendis, absente Biancho Silvestri magistri Benvenuti eorum collega,(1) adtendentes ad quamdam litem, questionem et controversiam motam per Niccolaum Francisci de Giraldis Mannino Iacobi de Ponte ad Sevem comitatus florentini foderatori lignaminis silve Opere et Vespasiano eius filio, Nanni Fatii, Piero Nannis Fatii et Papino Francisci detto Franchalancia et Bello Buonaiuti omnibus de Ponte ad Sevem comitatus florentini et Moni Francisci vocato Franchalancia et Niccolao et Marco della Strada Potestarie Decomani et Andree del Vecchio de Ponte ad Sevem, omnibus foderatoribus et conductoribus lignaminis silve Opere et alterius lignaminis, in curia Artis Magistrorum Legnaiuolorum et Capsettariorum(2) civitatis Florentie de quadam pischaria dicti Niccolai, quam dictus Niccolaus dicebat et asserebat fuisse ructam et conquassatam per vim et violentiam a dictis foderatoribus per quosdam foderos lignaminis ipsorum contra suam voluntatem et in eius grave dampnum et iactura; ac etiam advertentes ad(3) commisionem et remissionem de dicta lite mota per dictum Niccolaum dictis foderatoribus de dampno ipsius pischarie factam pluries verbaliter(4) in eorum offitio per dictum Niccolaum ex parte una et dictum Manninum suo nomine et nomine(5) aliorum foderatorum ex parte alia; et visis quibusdam testibus inductis et productis coram dicto eorum offitio(6) super dicta lite tam per unam partem quam per aliam et eorum dictis et attestationibus et visis pluribus terminis assignatis dictis partibus et cuilibet earum ad producendum, dicendum et allegandum super dicta lite omnia eorum iura et quicquid dicere et allegare voluerint; ac etiam visa quadam informatione habita a Francischo Andree de Settignano quem eorum offitium destinavit ad videndum dictam pischariam ructam et ad informandum se utrum dicta pischaria fuit ructa per dictos foderatos seu eorum defectu necne, per quam seu per quem raportum dictus Francischus dixit et asseruit //dictam(7) ructuram processisse et emanasse potius propter maximam alluvionem et seu tempestates inundationes et decursus aquarum quam per transitum foderorum dictorum foderatorum, et quod dicti foderatores, facta ructura(8) modo predicto, per eam pluries transiverunt ex eo que cursus aquarum erat potius(9) in dicta ructura quam alibi; ac etiam intellecto quod nullo umquam tempore aliqua lis, questio seu controversia(10) per aliquos dominos alicuius pischarie fuit mota(11) aliquibus foderatoribus lignaminis de ructuris pischariarum nec aliqua menda umquam fuit facta de aliqua ructura alicuius piscarie alicui persone, et(12) viso et intellecto quod predicta lix mota(13) per dictum Niccolaum dictis foderatoribus seu similis lix resultaret et redundaret prefate Opere grave dampnum et iacturam quoniam non reperiretur aliquem foderatorem velle conducere aliquod genus lignaminis dicte Opere ad civitatem Florentie si via foderandi tali modo eis impediretur; idcirco prefati operarii visis et examinatis predictis omnibus volentes primo et ante omnia unicuique ius et iustitiam ministrare et Operam prefatam indempnem conservare quam melius sit possibile sine iactura alicuius, dato misso facto et celebrato inter eos solempni et secreto scruptineo ad fabas nigras et albas et obtento partito, declaraverunt dictos foderatores de dicta ructura dicte sue piscarie non teneri nec obligatos esse ad aliquam mendam dicto Niccolao et dictam ructuram processisse et emanasse a maxima inundatione et aluvione aquarum et dictam litem et questionem motam fuisse per dictum Niccolaum dictis foderatoribus contra omnem debitum ius(14) et omnem honestatem, ipsosque foderatores ab omni lite et questione mota(15) eisdem foderatoribus per dictum Niccolaum,(16) tam(17) coram consulatu Artis(18) Legnaiuolorum et Capsettariorum(19) civitatis Florentie quam coram quocumque alio magistratu(20) liberaverunt et absolverunt et ipsos et quemlibet eorum absolutos et liberatos esse voluerunt, et perpetuum silentium super predictis omnibus et dependentibus ac emergentibus ab eisdem dicto Niccolao de Giraldis imposuerunt et mandaverunt predicta omnia et singula ab omnibus inviolabiliter observari debere. NOTES: 1 "absente ... collega" aggiunto nell'interlinea con richiamo nel testo. 2 Da "legnaiuolorum" aggiunto nel margine destro. 3 Segue depennato "quamdam". 4 "pluries verbaliter" aggiunto nell'interlinea con richiamo nel testo. 5 Segue depennato "q-". 6 Segue depennato "tam". 7 Segue depennato "ructam". 8 Corretto su "ructa" con la desinenza aggiunta nell'interlinea con richiamo nel testo. 9 Segue depennato "per dictam ru-". 10 Segue depennato "de". 11 Segue depennato "fo-". 12 Segue depennato "intellecto et". 13 Corretto su "motam". 14 Nel testo "iur-" con abbreviazione per il caso accusativo. 15 Segue depennato "dic-". 16 Segue depennato "et ab omni e-". 17 Aggiunto nell'interlinea con richiamo nel testo. 18 Segue depennato "Magistrorum et Lapidum", con "Lapidum" preceduta da "Lab-" depennata. 19 "Legnaiuolorum et Capsettariorum" aggiunto nell'interlinea con richiamo nel testo. 20 Segue depennato "et ab omni et toto eo quod dictus Niccolaus". LINKS: Si fa riferimento alla lettera del 11 aprile a Niccolò Giraldi col mandato di presentare le sue ragioni contro i foderatori dell'Opera entro il 22 aprile: O0202001.230f, e alla gita di Andrea Fraschetta per controllare la pescaia del Giraldi, ricordata il 27 di aprile: O0202001.232a. Transcription: rb II. Analysis of document Indices NAMES AND ROLES: Niccolò di Francesco Giraldi Paolo di Giannozzo Vettori  - operaio Giovanni di Paolo Morelli  - operaio Simone di Francesco da Filicaia  - operaio Chimenti di Cipriano di ser Nigi  - operaio Giuntino di Guido Giuntini  - operaio Bianco di Salvestro di maestro Benvenuto  - operaio Mannino di Jacopo da Pontassieve  - foderatore di legname Vespasiano figlio di Mannino da Pontassieve Nanni di Fazio da Pontassieve  - foderatore conduttore di legname Piero di Nanni di Fazio da Pontassieve  - foderatore conduttore di legname Papino di Francesco Francalancia da Pontassieve  - foderatore conduttore di legname Bello di Bonaiuto  - foderatore conduttore di legname Mone di Francesco Francalancia da Dicomano  - foderatore conduttore di legname Niccolò della Strada da Dicomano  - foderatore conduttore di legname Marco della Strada da Dicomano  - foderatore conduttore di legname Andrea di Vecchio da Pontassieve  - foderatore conduttore di legname Francesco d'Andrea da Settignano  - proprietari di pescaie  - foderatori di legname  - magistrato PLACES: Firenze, contado Firenze pescaia di Niccolò Giraldi INSTITUTIONS: Arte dei Maestri, Legnaioli e Cassettai consolato dell'Arte dei Legnaioli e Cassettai corte dell'Arte dei Maestri, Legnaioli e Cassettai Guided research DESTINATIONS: forest dell'Opera MATERIALS: other ments. - wood legname - danneggia pescaia legname - trasporto TRANSPORTATION: water fodero - legname NOTEWORTHY THINGS: other alluvione - causa di rottura di una pescaia Analysis: ls

© 2015 Opera di Santa Maria del Fiore