II 1 75: 21: o0201075.021a

DOCUMENT:

o0201075.021a

view image

I. Transcription of text and essential data

DATE:

1419 aprile 22

SUMMARY:

Election of the accountant, cancellation of debt for property gabelle and conviction of the notary of the new gabelles for payments not registered.

SOURCE:

AOSMF

II 1 75

c. 21

resolutions

TEXT:

Item eligerunt etc. Zanobium Bartolomei Borgognonis in scribanum et rationerium dicti Operis ad revidendum et recurandum et reinveniendum omnes et singulos debentes aliquid dare et solvere dicto Operi quacumque de causa qui non sint scripti pro debitoribus super aliquo libro dicti Operis, saltim pro quantitatibus, summis et causis quas et pro quibus(1) inveniet dictus Zanobius ipsos solvere debere, et ipsos quos sic invenerit reducendum super uno libro dicti Operis ad id deputato vel deputando per operarios dicti Operis et seu eorum provisorem, pro tempore et termino unius anni hodie initiati cum salario soldorum duorum pro qualibet libra quam venire fecerit in Opere sibi solvendam ab ipsis solventibus et qui soldi duo pro qualibet libra sic solvendi dicto Zanobio sint loco penarum per ipsos solvere debentes incursarum, a quibus penis ex nunc prout ex tunc et ex tunc prout ex nunc factis dictis solitionibus vere sortis et soldorum duorum pro libra,(2) sint liberi et absoluti etc. Et dictos soldos duos habere debeat dictus Zanobius tam a descriptis super libris dicti Operis quam a non descriptis super dictis libris, sed a descriptis solum habeat pro quantitatibus per ipsos debitis et non reductis, ita quod pro summis per eum eorum partitis addendis etc.; et si(3) fuisset aliquis dictorum debitorum liberatus ab aliquo officio operariorum hactenus, non habeat dictus Zanobius dictos soldos duos etc. Et hoc ab anno MCCCC citra et non ultra etc., revocando et annullando per hec aliam suprascriptam electionem de eo factam etc.(4)
Item viso quod Silvester Iannis solvit pro populo Sancti Laurentii alle Ruose pro resto gabelle bonorum tertii anni, ut constat in r(egistr)o dicte gabelle a c. 5, libras tres et soldos sexdecim f.p. tempore quo ser Niccolaus Tinuccii infrascriptus(5) erat notarius introitus dictarum novarum gabellarum; et viso quod infrascriptus ser Niccolaus non registravit dictam partitam prout tenebatur et debebat, et quod quia dicta partita non fuit registrata dictus populus fuit postea gravatus et solvit et sortem et expensas occursas; et audito etiam quod dictus ser Niccolaus tenetur, restat et debet adhuc registrare multas partitas solutas dicto tempore quo ipse erat notarius dictarum gabellarum; et volentes ipsum facere sollicitum ad ipsas registrandum, ut qui solverunt amplius non graventur et expensas non substineant et non patiantur incommoda indebite et iniuxte, idicirco ipsum Ser Niccolaum Tinuccii notarium florentinum (condennaverunt) in libris centum f.p. dandis et solvendis generali camerario Camere Communis Florentie pro ipso Communi Florentie recipienti,(6) cum hoc tamen salvo excepto et declarato quod, si dictus ser Niccolaus hinc ad tres menses proxime futuros registraverit omnes et singulas partitas suo tempore solutas et quas registrare restat, quod tunc et eo casu a presenti condempnatione et multa sit liber et absolutus etc. et possit etc. cancellari etc. per notarium actorum etc.
Lata etc. nostra presenti sententia cond(empnationis) etc.(7) infrascripta die, presentibus Paulo Soldi provisore et Iacobo Ugolini nuntio Operis et aliis testibus etc.