II 1 79: 58: o0201079.058b

DOCUMENT:

o0201079.058b

view image

I. Transcription of text and essential data

DATE:

1421 settembre 24

SUMMARY:

Contract for broad terracotta bricks and of corner-pieces and guaranty for restitution of advance made on previous contract.

SOURCE:

AOSMF

II 1 79

c. 58-58v

guaranties

TEXT:

Paulus(1) provisor predictus et vigore eiusdem conmissionis supra per operarios sibi facte et omni modo etc. locavit et concessit Bartolo Marci populi Sancti Cresci de Campi comitatus Florentie presenti et conducenti pro se et suis heredibus ad faciendum, coquendum, conducendum et seu fieri, coqui et conduci faciendum ad Operam Sancte Marie del Fiore civitatis Florentie et in ipsam Operam de terra et terreno Communis et de Communi Campi predicti ducenta quadraginta miliaria quadronum terre bene cocta, facta et composita ac recipientia ad sensum et voluntatem ipsorum operariorum vel eorum provisoris aut caputmagistri, inter quos sint et esse debeant anguli necessarii pro dicta cupola maiori secundum dictam quantitatem et laborerium requisiti, sub illis modonis et formis(2) sibi dandis et consignandis per ipsum provisorem vel per caputmagistrum et in terminis et cum pactis de quibus infra dicetur, videlicet:
Debet namque ipse conductor ipsos quadrones ad ipsam Operam et in ipsam Operam conducere suis propriis sumptibus et expensis in tempore et termino quattuor annorum proxime futurorum incipiendorum die primo mensis martii proxime futuri et ut sequitur finiendorum, videlicet quolibet anno ex predictis miliaria sessaginta et non pauciora et recipere ab ipsa Opera et ipsa Opera et seu operarii pro ipsa Opera et de pecunia ipsius solvere(3) eidem Bartolo pro pretio dictorum quadronum libras viginti f.p. pro quolibet miliario integras et sine aliqua retentione, detractione vel diminutione; //et si de novo per Commune Florentie aliqua gabella imponeretur vel solvi deberet pro ipsis quadronibus intra civitatem Florentie mictendis, sumptibus dicte Opere persolvatur ultra quantitatem debitam pro ipsis quadronibus.
Debet etiam ac tenetur dicta Opera et seu locator pro ipsa Opera et de denariis et pecunia dicte Opere eidem Bartolo conductori mutuare ad presens et ante initium temporis dicte conducte et quolibet anno dictorum quattuor annorum saltim de mense martii cuiuslibet anni libras ducentas quadraginta f.p.; quas libras CCXL annuatim ut supra dicitur recipiendas solvere et restituere possit et teneatur in dictis quadronibus mictendis per viam excomputi libras videlicet quattuor pro quolibet miliario dictorum quadronum mictendorum, ita et taliter quod in fine cuiuslibet anni dictorum quattuor excomputaverit ipsas libras ducentas quadraginta et ad maiorem quantitatem solvendam vel excomputandum minime cogi possit ullo modo.
Et quod libras quadringentas vel circa, quas dictus Bartolus dicte Opere solvere et restituere tenetur occasione(4) et vigore alterius conducte ab ipsa Opera hactenus facte et seu mutui propterea recepti(5) dare, solvere et restituere teneatur et debeat ipsi Opere et seu eius camerario pro ipsa Opera recipienti in tempore duorum annorum proxime futurorum, videlicet incipiendum primo anno dicte presentis conducte nove,(6) videlicet quolibet anno(7) ipsorum duorum pro medietate et ad ulterius vel primo solvendum minime teneatur vel cogi possit ullo modo.
Item quod pro restitutione quantitatis mutuo percipiendo quolibet anno ipse dare et prestare teneatur in promissorem et fideiussorem Paulum Vannis de Oricellariis quem prestando dumtaxat pro restitutione mutui sufficiat onnino.
Sed si ipse deficerit conductor in conducendo debitam quantitatem quadronum, possint operarii dicte Opere pro tempore existentes fieri facere usque in numerum opportunum per quemcumque fornaciarium pro quocumque pretio sumptibus et dapno ipsius conductoris tantum.
Item quod ab observantia veteris conducte supra memorate(8) exceptis super expecificatis dicta Opera ab ipso conductore et e converso ipse conductor ab ipsa(9) Opera totaliter sint liberi et absoluti.
Predicta quidem promixit una pars alteri et e converso dictis modis et nominibus perpetuo actendere et factum habere etc. et contra non facere etc. sub pena dupli eius unde pro tempore ageretur etc. Que pena totiens commictatur quotiens contra factum fuerit etc., qua pena soluta etc., predicta firma perdurent etc., pro quibus omnibus observandis etc., obligavit(10) dictus locator dicto nomine dicto conductori ut supra recipienti dictam Operam et eius bona presentia et futura et e converso dictus conductor dicte Opere(11) et provisori ut supra recipienti se ipsum et eius heredes et bona presentia(12) et futura; renumptiaverunt etc., quibus dictis nominibus precepi per guarentigiam etc.