II 1 80: 24: o0201080.024c

DOCUMENT:

o0201080.024c

view image

I. Transcription of text and essential data

DATE:

1422 aprile 20

SUMMARY:

Cancellation of debt for exemption of milling gabelle to the Commune of Ciggiano and to that of Oliveto.

SOURCE:

AOSMF

II 1 80

c. 24-25

resolutions

TITLE:

Communis Ciegiani et Uliveti

TEXT:

Item(1) intellectis ambaxiatoribus Communium Ciegiani et Uliveti de Potestaria Civitelle vallis Ambre narrantibus qualiter ipsa communia ad solutionem gabelle delle bocche sive del macinato molestantur et qualiter ipsa communia dicuntur exempta tam ab onere predicto quam ab aliis quibuscumque; et intellecto qualiter ipsa gabella fuit imposita una cum aliis in anno MCCCCXII pro tempore trium annorum de mense novembris MCCCCXIII initiatorum et pro ipsa gabella fuit imposita Communi Ciegiani predicto pro quolibet annorum ipsorum trium quantitas librarum LXX soldorum XIII et Communi Uliveti(2) predicto quantitas librarum XXXIIII soldorum IIII, et qualiter postea anno 1416 quantitates solvi restantes ex ipsis gabellis fuerunt per auctoritatis habentes dicte Opere concesse, adsignate et attribute, ut per reformationem tunc in opportunis consiliis dicti Populi et Communis Florentie firmate clare demostratur, et quod pro anno primo ipsorum trium ipsa communia et quodlibet eorum quantitates pro ipso anno designatas integre persolverunt, prout clare demostratur per librum gabellarum ipsius anni carta 69 manu ser Laurentii Pauli tunc notarii dicte Opere et carta 87 manu eiusdem ser Laurentii, et quod prout comprehendi potest ipsas quantitates ipsa communia errore persolverunt, cum ad solutionem minime tenebantur pro eo quia tunc tempori erant exempta a quibuscumque gabellis et oneribus prout superius enarratur, ut patet manu ser Iohannis ser Viviani tunc coadiutoris dicti sui patris scribe(3) reformationum Communis Florentie predicti sub die XXX mensis martii MCCCCXII, et quod exemptio predicta non tantum ad primum sed etiam in(4) secundum se extendebat et sic postea de tempore in tempus fuit ipsis communibus exemptio de novo concessa usque in annum MCCCCXVIIII, ut patet manu mei notarii infrascripti(5) tunc coadiutoris egregii viri ser Martini Luce scribe reformationum Communis Florentie supradicti, et quod si ad solutionem dicte gabelle ipsa communia tenerentur, esset pro anno tertio et ultimo ipsius impositionis, quod quidem tamen obscurum est et incertum rationibus et causis superius allegatis; et tamen si vere tenerentur pro ipso tertio anno, pro primo et secundo non tenebantur ut predicitur et compensari debentur indebite solutum cum debite solvendum, si solvi debent; et volentes in predictis prout iustum fore putaverunt providere et tam dictis communibus quam dicte Opere iustitiam ministrare, premisso scruptinio et obtento partito secundum ordinamenta etc. vigore auctoritatis et potestatis eisdem competentis etc. et omni modo etc.(6)
//(c. 25)
Providerunt,(7) deliberaverunt atque declaraverunt ipsa Communia Ciegiani et Uliveti vel aliquod eorum ad solutionem dicte gabelle macinati sive delle bocche dicte Opere non teneri, nec obligata esse rationibus et causis superius enarratis(8) pro ipsis anno secundo atque tertio et cancellari posse et debere per quemcumque notarium dicte Opere in quibuscumque libris et registris opportunis licite et inpune, etiam absque aliqua solutione propterea facienda vel alia solepnitate servanda, visa dumtaxat provisione atque declaratione presenti.