II 1 80: 57: o0201080.057a

DOCUMENT:

o0201080.057a

view image

Referenced in:

Becattini, Selva

I. Transcription of text and essential data

DATE:

1421/2 febbraio 14

SUMMARY:

Contract to supplier for cutting and trimming of fir lumber in the forest of Campigna.

SOURCE:

AOSMF

II 1 80

c. 57

allogagioni

TEXT:

Item dictis anno et indictione et die XIIII dicti mensis februarii.
Paulus et Batista supradicti(1)et vigore commissionis eis ut supra per officium operariorum facte, de qua constat manu mei notarii predicti,(2) locaverunt et concesserunt Iacobo Martini de Fornace comitatus comitis Francisci de Puppio presenti et conducendi pro se et suis heredibus ad incidendum,(3) dolandum et gubernandum in silva Opere prelibate infrascripta quantitas lignaminis abietis sub infrascriptis mensuris ab aqua Carpigne in antea sub solitis mensuris, videlicet:
duo ligna abietis trium trainorum pro quolibet;
quattuor ligna duorum trainorum pro quolibet;
viginti bordonos unius traini pro quolibet;
triginta duo inter(4) trabes et quadrones dimidii traini pro quolibet;
que ligna dictus conductor promixit et convenit ipsis(5) locatoribus pro dicta Opera ut supra recipientibus gubernare et dolare a canti vivi tam in vecta quam in pedale et ipsa conducere seu conduci facere hinc ad per totum mensem settembris proxime futuri ad portum Sancti Francisci prope ianuam Iustitie civitatis Florentie in aqua fluminis Arni suis propriis sumptibus et expensis pro pretio et nomine pretii librarum trium et soldorum quinque f.p. pro quolibet traino eidem de pecunia dicte Opere persolvendo; de quo pretio recipere debeat et habere pro parte solutionis soldos decem f.p. pro quolibet traino, facta tamen primo fide manu custodis dicte silve quod ipsa lignamina inciserit et dolaverit et non primo; et postea(6) quando ipsa lignamina de silva trahere voluerit mutuo et pro parte solutionis ultra dictos soldos decem habere et recipere debet soldos viginti f.p. pro quolibet traino, et ipso integre ad dictum portum conducto sibi debeat de residuo quantitatis predicte integre satisfieri; et pro observatione omnium premissorum predictus Iacobus obligavit se et sua bona etc., renumptiavit etc. per guarentigiam etc.