Nobiles ac prudentes viri
|
Verius Andree de Rondinellis
|
Antonius Tedicis de Albizis
|
Andreas Niccolai de Giugnis
|
Sandrus Biliotti de Biliottis
|
Bernardus Vannis de Vecchiettis et
|
Loysius Alexandri ser Lamberti
|
comsules Artis Lane civitatis Florentie, absentibus tamen Niccolao Andree Nerii Lippi //et Bartolomeo Iacoponis(2) de Gherardini eorum collegiis in dicto offitio consulatus, qui Niccolaus tamen commisit fabam suam in Verium Andree predictum suum collegam; ac etiam prudentes viri
|
Tomasius Bartolomei de Barbadoris
|
Bartolus Honofrii de Bischaris
|
Andreas Raynaldi de Rondinellis
|
Donatus Pieri de Vellutis et
|
Gualterius Iohannis de Biliottis
|
operarii Opere Sancte Marie del Fiore de Florentia,(3) absente tamen Simone Francisci ser(4) Gini eorum collegha in offitio dicte operarie, existentes collegialiter congregati et coadunati prefati consules et operarii in(5) domo Artis Lane et in audientia sale inferioris dicte domus(6) solite residentie dictorum consulum pro eorum offitio exercendo, advertentes quod alias per dicta eorum offitia fuerunt facte inter alias due(7) deliberationes infrascripti tenoris et continentie, videlicet:
|
Primo quod exactores prefate Opere non possent aut deberent quoquo modo capere pro quolibet gravamento quod facerent in exactione testamentorum(8) nisi solum et dumtaxat soldos quinque f.p.
|
Secundo quod omnes figure que essent principiate seu non principiate vigore cuiuscumque locationis facte per operarios non possent prosequi et essent revocate et anullate et quod in futurum de novo per operarios nulla figura posset locari ad faciendum nisi de consensu prefatorum consulum.
|
Idcirco considerantes circa primam deliberationem quod exactores nolunt facere nec etiam facere voluerunt a tempore prefate deliberationis citra aliquam executionem et exactionem testamentorum; et considerantes circa secundam deliberationem quod scrictura notarii qui dictam deliberationem scripsit potius fecit ob errorem quam propter veritatem quoniam iniquissimum fuisse revocare illas figuras que fuissent principiate et incepte executioni mandare per ipsaram conductores,(9) idcirco(10) dato, misso, facto et celebrato solempni et secreto scruptineo ad fabas nigras et albas et obtento inter eos(11) partito deliberaverunt, statuerunt ac ordinaverunt quod exectores seu executores testamentorum prefate Opere licite et inpune primo et ante omnia debeant facere precepta cuilibet debitori Opere prefate pro aliquo testamento in quibus(12) quidem preceptis(13) illis debitoribus habitantibus in comitatu et districtu Florentie assignare debeant(14) terminum quindecim dierum proxime futurorum a die facti precepti computandorum et illis debitoribus existentibus et habitantibus in civitate Florentie debeant assignare terminum otto dierum proxime futurorum initiandorum a die facti precepti et quod pro quolibet precepto teneantur habere soldos quinque f.p. et ultra dictos soldos quinque aliquid accipere non possint;(15) et in casu quo dictis terminis non solverent prefati debitores possint et debeant ipsos realiter et personaliter gravare et quod pro quolibet gravamento possint accipere ultra illos quinque soldos precepti alios soldos quinque, ita quod inter preceptum et gravamentum non possint accipere nisi soldos decem f.p. et non aliquid aliud.//
|
Item simili modo et forma deliberaverunt quod, non obstante alia deliberatione facta per dicta eorum prefata offitia, Donatus Niccolai magister intagli potuerit facere quamdam figuram per eum ad presens factam pro ipsam apponendo in facie campanilis et quod operarii dicte Opere possint pro dicta figura stantiare illam quantitatem pecunie quam eisdem videbitur fore condecentem et per camerarium dicte Opere solvere sine aliquo ipsorum preiudicio et dampno.
|
Item simili modo et forma servatis servandis figuram locatam Bernardo Pieri de Ciuffagnis per operarios dicte Opere et locationem factam eidem Bernardo per prefatos operarios et omnia et singula in dicta locatione contenta, de qua quidem locatione constat manu mei Bartolomei notarii infrascripti(16) in presenti quaterno a c. 11, confirmaverunt, approbaverunt et emologaverunt in omnibus et per omnia, prout in dicta locatione continetur et fit mentio.
|