II 1 86: 30v: o0201086.030va

DOCUMENT:

o0201086.030va

I. Transcription of text and essential data

DATE:

1424/5 febbraio 12 (1)

SUMMARY:

Ratification of the wardens on contract for transport of white marble.

SOURCE:

AOSMF

II 1 86

c. 30v

allogagioni

TITLE:

Ratificatio predicte locationis(2) facta per operarios

TEXT:

Existente preposito Schiatta Uberti de Ridolfis.
Nobiles viri
Schiacta Uberti de Ridolfis
Bernardus Vierii de Guadagnis
Antonius Tomasii Ghuccii
Francischus Benedicti Caroccii et
Bianchus Silvestri magistri Benvenuti,
absente tamen Simone Mariotti de Orlandinis eorum collega, existentes collegialiter congregati in loco eorum audientie pro eorum offitio exercendo, facto, misso et cellebrato inter eos solempni et secreto scruptineo ad fabas nigras et albas et obtento partito per omnes fabas nigras confirmaverunt, approbaverunt ac emologaverunt quamdam locationem(3) eorum vice et nomine factam per Antonium Michaelis Velluti unum ex numero quattuor offitialium magne cupole cuidam Leonardo Berti de Carraria charradori marmoris albi ad conducendum per dictum Leonardum marmorem album, videlicet viginti quinque carratas ad rationem duarum milium librarum pro qualibet carrata de Lavenzia usque ad portum civitatis Pisarum per totum mensem martii proxime futuri pro pretio librarum quinque et soldorum sedecim f.p. pro qualibet carrata, de qua locatione constat publico instrumento manu mei Bartolomei notarii dicte Opere(4) sub die trigesimo mensis ianuarii proxime preteriti MCCCCXXIIII; et hec presentibus Bernardo Amerigi de Donatis provisore dicte Opere et ser Niccolao de Octavantibus notario testamentorum dicte Opere ad predicta vocatis, habitis et rogatis.