II 1 86: 30v: o0201086.030vc

DOCUMENT:

o0201086.030vc

view image

I. Transcription of text and essential data

DATE:

1424/5 marzo 7 (1)

SUMMARY:

Contract for transport of white marble from Lavenza to Pisa.

SOURCE:

AOSMF

II 1 86

c. 30v-31

allogagioni

TITLE:

Locatio marmoris albi facta Laurentio Pelegrini

TEXT:

Batista Antonii capudmagister Opere Sancte Marie del Fiore de Florentia ut et tamquam procurator et procuratorio nomine operariorum Opere Sancte Marie del Fiore predicte(2) concessit et locavit Laurentio Pelegrini Iacobi de Carrara diocesis lunensis presenti et conducenti viginti quinque carratas marmoris albi ad conducendum a Laventia(3) usque ad civitatem Pisarum ubi consuetum est(4) scharicari usque ad per totam quintam decimam diem mensis aprilis proxime futuri(5) ad rationem librarum duarum milium pro qualibet carrata; //et hoc pro pretio quinquaginta quinque boloninorum pro qualibet carrata ad rationem soldorum duorum pro quolibet bolonino, cum pacto quod si quelibet carrata esset excederet summam librarum duarum milium usque ad viginti duo centinaria quelibet carrata sit ad sufficientiam et pro numero cuiuslibet carrate, et si minus esset duarum milium carratarum teneatur complere usque ad numerum predictum; quam locationem et omnia predicta una pars alteri et e converso promisit firma et rata habere et tenere et contra non facere etc. sub pena dupli etc. pro quibus omnibus et singulis observandis etc. obligans etc. dictus Batista dictam Operam et eius bona etc. et dictus Laurentius se et eius heredes et bona, quibus precepi per guarentigiam etc.(6) Et hec acta fuerunt in populo Sancte Marie de Fiore de Florentia et in Opera predicta dictis anno indictione et die et presentibus testibus ad predicta omnia vocatis, habitis et rogatis Filippozio Giovenchi de Bastariis de Florentia et Bernardo Amerigi de Donatis de Florentia et Manetto Antonii de Davanzatis de Florentia.

Item(7) postea eisdem anno indictione et die et loco et presentibus dictis testibus etc. Bertinus Pieri(8) populi Sancte Marie de Settignano sciens se ad predicta non teneri nec obligatum esse et dicens et asserens se de contentis in dicto instrumento locationis habere plenam intelligentiam non vi non metu nec alia spontanea voluntate omni modo etc. promisit(9) dicto Batiste dicto nomine presenti et(10) stipulanti se facturum et curaturum quod dictus Laurentius habuit firmam et ratam dictam locationem et omnia contenta in ea et propterea obligavit se et eius heredes et bona, renumptians etc. cui precepi guarentigiam etc.(11)

NOTES:

¹ Alla data è aggiunto il nome del giorno, mercoledì.

² Segue depennato "de".

³ Segue depennato "seu a loco ubi fit marmor".

⁴ Segue depennato "lo-".

⁵ Segue depennato "et".

⁶ Segue depennato "Item postea dictis anno indictione et die et actum".

⁷ In margine: "Fideiussor".

⁸ Segue depennato "de".

⁹ Segue depennato "mihi".

¹⁰ Segue depennato "cond-".

¹¹ Segue depennato tra questo atto e il successivo "Die mercurii VII martii".