II 2 1: 27v: o0202001.027vd

DOCUMENT:

o0202001.027vd

view image

I. Transcription of text and essential data

DATE:

1426 aprile 21

SUMMARY:

Authority to wardens for the work at Lastra and Malmantile; sentence and fine of defaulting master; acquittal and new contract for the work.

SOURCE:

AOSMF

II 2 1

c. 27v-28

condanne

TITLE:

Multa lata contra Guasparem Guidonis Lentii(1)

TEXT:

In Dei nomine amen.
Nobiles ac prudentes viri
Pierus Filippi domini Leonardi de Strozziis
Niccolaus Gentilis de Albiziis
Bartolomeus Angeli Ciarii et
Georgius Pieri de Serragliis
operarii Opere Sancte Marie del Fiore de Florentia,(2) existente preposito dicti offitii //Bartolomeo Angeli Ciai predicto, existentes omnes collegialiter congregati et coadunati in castro Lastre Communis Ghanghalandi comitatus florentini in domo habitationis Laurentii Matttei Chalchigne, quem locum prefati operarii eligerunt ac deputaverunt pro eorum loco iuridico et ipsorum residentie ad infrascripta, absentibus tamen Nerio Francisci Nerii de Fioravantibus et Michaele Iohannis de Riccialbanis eorum in dicto offitio collegiis, advertentes ac intendentes ad quamdam provisionem atque deliberationem factam de anno Domini ab eius salutifera incarnatione millesimo quadringetesimo vigesimo quarto indictione tertia et de mense octobris dicti anni per opportuna consilia Populi et Communis Florentie per quam in effectum fuit provisum quod prefati operarii dicte Opere tenerentur et deberent cum omni diligentia et solicitudine perfici facere et complere muros, edifitia atque laboreria murorum castrorum sive locorum Lastre et Malmantilis seu burgi della Lastra et Malmantilis,(3) nec non portas dictorum locorum, in predictis et circa predicta dando atque tribuendo prefatis operariis illam eamdem baliam, auctoritatem atque potestatem quam habet Populus et Comune Florentie; et considerantes quod per offitia Sex Aretii et Decem civitatis Pisarum eorum in dicto(4) laborerio antecessores dicta laboreria et edifitia murorum et portarum dictorum castrorum fuerint locata ad complendum quampluribus magistris tam Communis Ghanghalandi quam alteri loci, et maxime Guasparri Guidonis Lentii et eius patri de Signa quamplures partes dicti laborerii, prout viderint constare per libros et scripturas dicti laborerii penes eos existentes; et considerantes quod dictus Guaspar et eius pater de dictis partibus dicti laborerii eisdem locati locaverunt aliquas partes cuidam Matteo del Feccia magistro de Ghanghalandi, de quibus quidem partibus dictus Matteus partem dicti laborerii muravit indebite et iniuste et contra omnem bonum et rectum ordinem murandi, partemque propter inertiam predictus Matteus tardavit et tardat et eidem laborerio complementum dare, quod quidem redundavit et redundat in non modicum dampnum et verecundiam Communis Florentie, prefate Opere, ac etiam dicti castri; et considerantes quamplurima precepta dicto Guasparri et aliis facta ex parte dictorum operariorum de dando expeditionem et complementum dicto laborerio, et actenta omnia(5) dilationis laborerii, octantesque(6) commissionem eis factam per dicta consilia executioni mandare, et considerantes pericula que possent imminere hiis temporibus, si cito non daretur expeditio et complementum laborerio dictorum castrorum, habita inter ipsos solempni et matura deliberatione et sano consilio dato, misso et celebrato inter eos solempni et secreto scruptineo ad fabas nigras et albas demumque inter eos obtento partito vigore auctoritatis, potestatis et balie eis per dicta opportuna consilia concesse et attribute, et omni modo, via et iure quo, qua et quibus magis et melius potuerunt, multaverunt et de facto condempnaverunt predictum(7) Guasparrem Guidonis Lentii in libris centum f.p. dandis et solvendis generali camerario Camere Communis Florentie pro ipso Communi recipienti in pecunia numerata infra duos menses proxime futuros a die dicte late multe numerandos; cum hac modificatione quod si et in quantum prefatus Guaspar dederat expeditionem et complementum et compleverit seu compleri fecerit totum dictum laborerium et edifitium murorum castri Lastre seu burgi della Lastra eidem Guaspari et eius patri per dicta offitia Sex Aretii et Decem civitatis Pisarum locatum et per ipsorum operariorum antecessores confirmatum per totum mensem maii proxime futuri, et si et in quantum dictus Matteus Feccie in dicto laborerio non laboraverit tunc et in dicto casu a dicta multa et condempnatione sit liber et absolutus, et ex nunc in dicto casu a dicta multa ipsum Guasparem absolvimus et liberamus; cum hoc excepto quod si propter pluviam aut propter aliquod aliud iustum impedimentum dictus Guaspar dictum laborerium complere aut compleri facere non potuisse et per totam diem tertiam mensis iunii proxime futuri dictum impedimentum, ac etiam dictum Matteum del Feccia in dicto laborerio non laborasse per operarios dicte Opere declarari fecerit tunc et in dicto casu a dicta multa sit liber et absolutus, et dicto casu eum absolverunt et liberaverunt.
Lata, data, facta et lecta fuit dicta multa et condempnatio de facto per dictos operarios, absentibus tamen dicto Nerio Francisci de Fioravantibus et Michaele Iohannis de Riccialbanis eorum in dicto offitio collegiis, in dicto castro Lastre et loco suprascripto de anno presenti millesimo quadringentesimo vigesimo sexto indictione quarta die vigesima prima mensis aprilis et presentibus dictis Guaspare Guidonis Lentii et Matteo del Feccia in predicta omnia et singula suprascripta intelligentibus et presentis testibus ad predicta omnia et singula suprascripta vocatis, habitis et rogatis Batista Antonii, Bernardo Amerigi de Donatis et Nardo Segantis omnibus populi Santi Petri Maioris de Florentia et aliis.