II 2 1: 87: o0202001.087b

DOCUMENT:

o0202001.087b

view image

I. Transcription of text and essential data

DATE:

1428 luglio 2

SUMMARY:

Order to the administrator to keep note of the material salvaged from the destruction of the houses near the church of San Simone.

SOURCE:

AOSMF

II 2 1

c. 87

resolutions

TITLE:

Pro domibus destructis apud ecclesiam Sancti Simonis

TEXT:

Item prefati operarii actendentes ad destructionem domorum olim(1) existentium penes Stinchas et ecclesiam Sancti Simonis de Florentia factam mandato nostrorum(2) magnificorum dominorum Priorum Artium et Vexilliferi Iustitie populi et Communis Florentie per magistros et manovales Opere Sancte Marie del Fiore de Florentia et disgombrationem factam ad instantiam operariorum dicte Opere de rebus dictarum domorum et actendentes ad quamplures res conductas ad Operam de dictis domibus et actendentes ad operas prestitas per magistros et manovales dicte Opere in dicto laborerio et ad operas prestitas per asinarios et charradores Opere in prefata disgombratione dictarum domorum, volentes igitur prefatam Operam de predictis nullum dampnum nec aliquid lucrum sentire, idcirco deliberaverunt quod Bernardus Amerigi de Donatis provisor prelibate Opere teneatur et debeat tenere de per se in quodam quaterno computum dicti laborerii hoc modo, videlicet quod primo(3) teneatur et debeat scribere in creditorem dictas domos et(4) res et masseritias, videlicet: pro blachiis decem lapidis ad rationem librarum 30 pro quolibet blachio in totum floren(os) septuaginta quinque auri et pro duobus milibus embricis(5) ad rationem librarum 4 soldorum 10 pro quolibet centinario libr(as) nonaginta f.p. et pro duobus milibus tegulorum ad rationem soldorum 22 pro quolibet centinario libras viginti duas(6) et soldos quattuor f.p. et pro toto lignamine dictarum domorum extimato in totum florenos auri viginti otto et pro quattuor ceppis inter bonos et pravos libr(as) viginti sex f.p. et pro libris quadringentiis ferramenti ad rationem denariorum 6 pro qualibet libra, libr(as) viginti sex sold(os) tredecim denar(ios) quattuor f.p. et pro libris trecentis plunbei ad rationem denariorum 6 pro libra qualibet, libr(as) viginti f.p. et pro quampluribus hostiis et fenestris et portis lignaminis in totum florenos auri otto et pro quampluribus cardinalibus et pilastris et concio lapidum dictarum domorum libr(as) quattuordecim f.p., in summa in totum florenorum auri centum undecim et librarum ducentarum quinquaginta sex f.p.; ab alia vero parte debeat ponere(7) dictas domos et laborerium in debitorem prefate Opere pro infrascriptis expensis factis pro destruendo, disgombrando et conducendo dictum laborerium ad prefatam Operam, et primo pro ...(8)

NOTES:

¹ Aggiunto nell'interlinea con richiamo nel testo.

² Segue depennato "dominorum".

³ Segue depennato "deb-".

⁴ Segue depennato "lab-".

⁵ Parola corretta, forse su "embriciorum".

⁶ Parola corretta su "duarum".

⁷ Segue depennato "in".

⁸ Segue spazio bianco di circa tre righe.

Transcription:

II. Analysis of document

Indices