II 1 77: 45v: o0201077.045vb

DOCUMENT:

o0201077.045vb

view image

Referenced in:

Terenzi, Maestranze

I. Transcription of text and essential data

DATE:

1420 giugno 28

SUMMARY:

Hiring of workforce and dismissal of stonecutters not useful for the construction of the cupola, which is about to begin.

SOURCE:

AOSMF

II 1 77

c. 45v-46

resolutions

TEXT:

Prefati operarii invicem in loco eorum audientie more solito in sufficienti numero congregati, absentibus tamen Gherardo de Barbadoris et Filippo Niccolini eorum collegis, informati ut asseruerunt qualiter(1) de proximo incipi(2) debet cupola maiori hedifitii dicte(3) ecclesie et super ipso continuo laborari a quampluribus magistris et manovalibus ultra solitum, et pro ipsa fienda et perficienda et donec quasi completa fuerit non est opus magistros quamplures de scarpello in ipsa(4) opera laborare,(5) sed potius superfluum et inutile foret, cum etiam marmor in Opera conductus non sit nec conduci speretur et(6) quod nisi sumptibus ipsorum scarpellatorum domus dicte Opere sive ipsa Opera levietur non possent ipsius Opere redditus magistris et aliis hedificatoribus et sumptibus fiendis dicte cupole respondere, cum maxime pro ipsa cupola tantum nisi aliter provideatur dicti introytus et redditus(7) ad sufficientiam non existerant; et volentes occasionibus supradictis tantum et nullis aliis circa negotia dicte Opere prout eorum honori et dicte Opere utilitati convenit providere et sumptibus parcere pro predictis premisso et facto inter eos solepni et secreto scruptinio ad fabas nigras et albas et obtento partito secundum formam ordinamenta dicti Communis providerunt, deliberaverunt et ordinaverunt quod a die sexto mensis iulii proxime futuri in antea magistri scarpellatores et alii(8) inferius describendi qui ad presens ad exercitia dicte Opere sunt conducti et quilibet eorum(9) ab ipsa eorum conducta intelligantur cassi atque remoti; et in ipsa Opera(10) a dicto die in antea laborare non debere nec eis solvi vel pretium de pecunia vel introytus dicte Opere dari(11) posse vel debere; et sic possit et debeat observari et executioni mandari donec et quousque in contrarium deliberabitur, et sic notificetur eisdem.
Magistri autem scarpellatores et alii de quibus fit mentio sunt hii, videlicet:(12)
Magistri scarpellatores et alii(13) inferius describendi qui continuo ad exercitia dicte Opere sunt conducti intelligantur iterum conducti et seu eorum durare conducta et similiter etiam ipsa finita de novo conduci posse et debere ad exercitia et ministeria eorum in Opera prelibata; et quod omnes et quicumque alii exceptis dictis inferius describendis qui etiam continuo in ipsa Opera laborant et eorum conducta viget a die sexto(14) mensis iulii proxime futuri in antea ab ipsa Opera discedant et ad eorum propria ministeria vel alterius cuiuscumque quam dicte Opere revertantur; et ab ipsa eorum conducta //a dicto die in antea ex nunc intelligantur et sint cassi atque remoti et in dicta Opera nec in aliquo laborerio dicte Opere laborare(15) posse nec debere nec eius vel eorum alicui pretium aliquid de redditibus dicte Opere solvi atque dari; et sic possit et debeat observari donec et quousque in contrarium fuerit deliberatum.
Magistri autem manovales et alii(16) qui(17) in dicta Opera remanere debent et eorum conducta durare atque vigere tam pro presenti quam pro futuro sunt hii, videlicet:
Perfettus Iohannis
Antonius Filippi Aliosso
Antonius Guidonis de Servi
Cambius Fruosini
Nannes Elleri
Nannes Andree de Prato(18)
Pippus Naldini
Bartolus Giovannelli
Puccius Bartoli
Nannes Barnabe
Iacobus Sandri
Ventura Francisci
Dominicus Giusti
Giaggius Cecchini
Antonius Cambii
Niccolaus Parentis
Iohannes Francisci
Romulus Marchionnis
Pierus Guardini
Antonius Chelis
Bertinus Pieri
Blaxius Segne
Papius Pieri
Vierius Guidi
Meus Naldini
Leonardus(19) Iacobi Piottola
Zenobius Giusti
Antonius Giusti
Iohannes Naldini
Bastianus Antonii
Bastianus Simonis
Iohannes Antonii
Nannes Berti alias Ferro
Andreas del Capretta
Nannes Fruosini Testa
Bertinus Giusti
Checchus Maconi
Giustus Dominici
Teus Chelis
Noe Pieri
Sander Francisci
Donatus Donati
Niccolaus Iacobi
Fruosinus Naldini
Meus Antonii de Florentia
Cecchinus Giaggii
Blaxius Stefani et
Meus Dominici.