II 2 1: 33v: o0202001.033va

DOCUMENT:

o0202001.033va

view image

I. Transcription of text and essential data

DATE:

1426 maggio 31

SUMMARY:

Revocation of fine to workers for just impediment that cropped up at the conclusion of the work on the castle of Lastra.

SOURCE:

AOSMF

II 2 1

c. 33v

resolutions

TITLE:

Revocatio multe Guasparris Guidonis Lentii

TEXT:

Nobiles ac prudentes viri
Silvester Tomasii de Popoleschis
Iulianus Tomasii Ghuccii
Antonius Michaelis de Vellutis et
Bartolomeus Angeli Ciai
existentes insimul collegialiter congregati et congreghati(1) in domo artis et universitatis dicte Artis Lane civitatis Florentie in sala superiori dicte domus in audientia et solita residentia comsulum prefate Artis Lane, existente preposito dicti offitii dicto Silvestro,(2) pro factis et negotiis dicte Opere utiliter peragendis, absentibus tamen Michaele Iohannis de Riccialbanis et Niccolao Andree del Palagio eorum in dicto offitio collegiis, advertentes ad quamdam multam(3) per eorum in dicto offitio antecessores factam(4) de anno presenti et die vigesima prima mensis aprilis proxime preteriti de Guasparre Guidonis Lentii de Signa de libris centum f.p.(5) dandis et solvendis infra duos menses proxime futuros generali camerario Communis Florentie pro dicto Communi recipienti in pecunia numerata, cum hoc excepto quod si et in quantum prefatus Guaspar dederat expeditionem et complementum toti edifitio murorum castri Lastre Communis Ghanghalandi eidem Guasparri et eius patri(6) locato,(7) tam per offitium Sex Aretii quam per offitium Decem civitatis Pisarum quam etiam per offitium prefatorum operariorum per totum presentem(8) mensem maii(9) in quo sumus et si et in quantum quidam Matteus Feccie(10) in dicto laborerio non laboraverit,(11) tunc a dicta multa esset liber et absolutus, et etiam(12) cum hoc excepto quod se propter pluviam aut propter aliquod aliud(13) iustum impedimentum dictus Guaspar dictum laborerium complere aut compleri facere non potuisse et infra tertiam diem mensis iunii proxime futuri dictum iustum(14) impedimentum, ac etiam dictum Matteum del Feccia in dicto laborerio non laborasse per operarios dicte Opere declarari fecerit tunc a dicta multa esset liber et absolutus, et visa(15) incameratione facta in Camera actorum Communis Florentie de dicta multa dicti Guasparris, et habita plena et plenissima informatione(16) a Niccolao Andree de Bombenis eorum provisore in dicto laborerio et a quampluribus aliis hominibus et personis fidedignis qualiter dictus Guaspar habuit iustum impedimentum non potuisse dictum laborerium dicto Guasparri et eius patri per dicta offitia locatum(17) infra dictum tempus in dicta multa contentum complere et ad finem perducere, et(18) qualiter(19) dictus Matteus Feccie in dicto laborerio non laboravit,(20) dato, misso, facto et celebrato inter eos solempni et secreto scruptineo ad fabas nigras et albas et obtento partito,(21) ac etiam ...,(22) omni modo, via et iure quo, qua et quibus magis et melius potuerunt vigore eorum offitii, auctoritatis et balie eis in hac parte date, concesse et actribute et eis reservate in dicta multa,(23) declaraverunt dictum Guasparrem habuisse iustum impedimentum non potuisse infra dictum tempus in dicta multa contentum(24) dictum laborerium eidem per dicta offitia locatum complere, ac etiam dictum Matteum Feccie in dicto laborerio(25) non laborasse, prout in dicta multa continetur.